Tu stive ‘nzieme a n’ate,
je te guardaie…
e primma ‘e da’ ‘o tiempo all’uocchie
pe’ s’annammurà
già s’era fatt’ annanze ‘o core.
A me, a me
‘O ssaje comme fa ‘o core
quann’ s’è annammurato.
Tu stive ‘nzieme a me,
je te guardavo…
e me ricevo comme sarrà succiesso
ca è fernuto
ma je nun m’arrenn’
ce voglio pruva’.
Poi se facette annanze ‘o core
e me ricette:
“Tu vuo’ pruvà?
E pruova, je me ne vaco!”
‘O ssaje comme fa ‘o core
quann’ s’è sbagliato.
[Massimo Troisi]
